काही माणसे जन्मत:च आभाळाएवढी उंच असतात. त्यांची उंची फूट, मीटर असल्या साध्या अन् नेहमीच्या उपयोगातील परिमाणांमध्ये कधीच मोजता येत नाही. धीरूभाई अंबानी हेदेखील अशाच नावापैकी एक.
शून्यातून विश्व निर्माण करून पूर्ण जगावर आपला ठसा उमटवणारे धीरूभाई अंबानी यांची जिद्द, महत्त्वाकांक्षा आणि क्षितिजापलीकडे पाहण्याचे सामर्थ्य आजच्या पिढीला प्रेरणादायी ठरणारे आहे.
धीरूभाईंनी उभ्या केलेल्या उद्योगाबद्दल आणि त्यांच्या कार्याबद्दलची ओळख इथे होते. तसेच त्यांचे प्रेरणादायी विचार या पुस्तकात दिले आहेत. धीरूभाईंच्या यशाला कारणीभूत ठरणार्या प्रसंगांचे विवेचन साध्या, सोप्या भाषेत आले आहे. धीरूभाईंची अफाट बुद्धी व त्या बुद्धीच्या जोरावर त्यांनी मिळविलेले व्यावसायिक यशाची गुपिते ‘धीरूभाई अंबानी’ या पुस्तकात दिली आहेत.