भारतीय समाजात जात हे एक वास्तव असून भारतीय लोकशाहीत आज ते मध्यवर्ती बनले आहे. सर्व जातींचा नीट अभ्यास करून घेतल्याशिवाय कोणत्याही राजकीय पक्षाला राजकारण करणे अशक्य आहे. भारतात सर्व अस्पृश्य जातींचा समावेश पंचम् म्हणून केलेला आहे. या अस्पृश्य समूहाला एक महान नेता मिळाला. त्यांचे नाव डॅा. भीमराव रामजी आंबेडकर. त्यांनी १९२४ ते १९५६. या काळात एक मानवमुक्तीची चळवळ सुरू केली. या चळवळीत प्रत्येक प्रांतातील कोणत्या अस्पृश्य जाती उतरल्या होत्या याचा अभ्यास आज अनेक संशोधक करीत आहेत. महाराष्ट्रात "मातंग" समाजाचे या चळवळीला कोणते योगदान मिळाले याचा डॅा. सोमनाथ कदम यांनी या पुस्तकात आढावा घेतला आहे. हे पुस्तक लिहुन आंबेडकरी चळवळीतील अंत:प्रवाहांच्या अभ्यासाला चालना दिली आहे.