केवळ समाजशास्त्रीय संज्ञांचा किंवा संकल्पनांचा अर्थ स्पष्ट करून त्याचे विवेचन करणारा मराठीतील हा पहिलाच शब्दकोश आहे.
प्रथम इंग्रजी संज्ञा वा शब्द, त्याचा इंग्रजीतील उच्चार, त्या इंग्रजी शब्दाला मराठी प्रतिशब्द व नंतर त्याचे सुयोग्य स्पष्टीकरण वा विवेचन या क्रमाने या शब्दकोशाची रचना केली आहे. ग्रामीण महाविद्यालयांतून मराठी माध्यमातून समाजशास्त्राचे अध्ययन करणार्‍या विद्यार्थ्यांना व अध्यापन करणार्‍या प्राध्यापकांना अनेक संकल्पनांचे आकलन होण्यासाठी हा शब्दकोश उपयुक्त ठरू शकेल.
याशिवाय मराठीतून स्पर्धा परीक्षा देणारे एमपीएससी व नेट-सेटचे विद्यार्थी यांनाही हा शब्दकोश मार्गदर्शक ठरू शकेल.
मराठीतून आंतरशाखीय संशोधन करणार्‍या संशोधकांनाही हा शब्दकोश उपयोगी पडू शकेल.
ग्रामीण विद्यार्थ्यांना सहजपणे समजेल अशी सोपी भाषा विवेचनासाठी वापरल्यामुळे समाजशास्त्रीय संज्ञा व संकल्पना यांचे आकलन सुलभ होईल.