महामहोपाध्याय डॉ.वासुदेव विष्णू मिराशी यांच्या संशोधनातून साकारलेले शिलाहार राजवंशाचा इतिहास आणि कोरीव लेख हे पुस्तक आहे. शिलाहार राजघराणे हे कर्नाटक आणि महाराष्ट्रा या दोन राज्यांवर प्रभुत्व गाजविणारे होते. त्यापैकी तीन शाखा महाराष्ट्रात राज्य करत होत्या- उत्तर कोकणचे शिलाहार, दक्षिण कोकणचे शिलाहार आणि कोल्हापुरचे शिलाहार. शिलाहारांचे बहुतांश सर्व कोरीव लेख व ताम्रपट या ग्रंथामध्ये समाविष्ट आहेत. त्याच बरोबर त्या काळातील राज्यशासन, धार्मिक परिस्थिती तसेच सामाजिक व आर्थिक परिस्थितीचा आलेख या ग्रंथामध्ये आहे. नकाशे व स्थापत्य आणि शिल्पकला या विषयाला समृध्द करणारी छायाचित्रे व मंदिर स्थापत्याचे आराखडे आहेत.